|
|
|
"Autofoan tan nua de Noan!"
von Steve Soon
- Seite 4 von 5 -
Oje-jetzt haums mi einzwickt in da Lukn;
kan Millimeta kaun i ruckn.
Doch mit Biljardtaktik- hin und hea –
is des gaunze net so schwea.
Hint a Tuscha, vuan a Tuscha,
draußn bin i mit an Huscha.
Gehs glei aun, gaunz sche rasant
beim Ope rechts springt a Passant.
Wü ea mitfoan? is mei Foaschtü?
oda waaß net, wos ea wü?
A Autostoppa woas woascheinlich,
doch so a Auftritt is do peinlich!
Do kaun ea hupfn, wia ea wü:
"Nimm jo neamd mit"- sogt mia mei Gfü.
Ohne Umschweif kumm i weida,
mecht beschleinign - doch leida,
siach i glott a rotes Licht
des mia stoak ins Auge sticht.
A Tofe siach i, drauf steht "Hoit"!
Wos soi scho sein - i bin jo oid.
Soll i stehbleibn? foa i weida?
I bleib steh, is sicha gscheida.
A letztesmoi huast no mei Ope,
bemerk beim Fenster scho de Koppe
von Inschpektas Leibesmitte:
"Die Fahrzeugpapiere bitte!"
dröhnts gaunz laut in meinen Uan.
Jessas na, i hob valuan.
Den Führerschein hob i seit Johren
aun mein Aumtsoazt Schmied valoren.
Wäu sei Ergebnis letztlich woa:
Füa d 'Menschheit bin i a Gefoa!
Brutal ziagt durch de Obrigkeit
de Aunhoitung in kurza Zeit!
Zähnefletschend wia a Hund
hoit ea sein Riachkoim aun mein Mund.
Mei Fahne haut eam fost aus d' Sockn,
doch d' rüber kaun i net frohlockn.
|
|
|
