|
|
|
"Autofoan tan nua de Noan!"
von Steve Soon
- Seite 3 von 5 -
… oda d' Oide - wea ma segn,
wea hoit frira kummt zuwegn.
Und wia i foa, so in Gedaunkn,
siach i wos auf d` Strossn schwaunkn.
I kunnts net sogn, wos is genau,
vielleicht a Reh, vielleicht a Sau?
I waaß nua ans, des hob i gspiat -
des Trumm, des hob i niedagfiat!
Mei Reaktion woa hoit net schnö
do moch i wiaklich kan Bahö.
Meingottna, i bin a Greis
und moch dem Viecherl des net z`Fleiß.
Doch hoit, i bi ma do net sicha -
woas wiakli ans von diesen Viecha?
Oda woas stott diesen Tieren,
a Jaga goa, auf ollen vieren?
Ob Jaga, Reh, Sau oda Hos -
i muaß jetzt schaun, dass i dablos
Zwirnbrunn rechtzeiti zu erreichen,
sunst kaun i glei mei Jausn streichn.
Und ohne weidan Zwischenfoi
rausch i ins Glick mit Übaschoi.
I waas, des Parkn is net leicht,
i hob den Hintamaunn erreicht.
Tuschiert - so glaub i, nennt man das-
und hin woa glei sei Blinkaglas.
Daun hob i, damit es a perfekt
beim Vurdermaunn leicht angeeckt.
Der Schodn? Net da Rede weat -
zu guata letzt steh i vakeat.
Doch gaunz egal - i bin jo oid
und park grod so, wias mia hoit gfoit!
Beim Wiatn daun, wos soll i sogn,
locht mia mei Gmiat und knuat mei Mogn.
Des Gsöchte schmeckt so heazhoft guat,
da Riesling steigt ma schnö ins Bluat.
Zwa Stund und zehn Viaterl speta
schwaunk i zum Auto de poa Meta.
Mei Heimreis, sog i eich gaunz ealich.
wiad füa mi sichalich beschwealich.
Noch einem längern Prozedürchen
läuft dea Kadett ois wia am Schnürchen.
|
|
|
