|
|
|
"Autofoan tan nua de Noan!"
von Steve Soon
- Seite 2 von 5 -
So hatsch i drauf, mit volla Kroft,
da B-Kadett des locka schofft -
an Siebzger zagt ea aun, da Tacho,
i ziag dahin mit an Karacho,
man kenntat moanen, dass i fliag …
… und trotzdem a Kolonn nochziag??
Jo Himmesakrateifeeine!
Gibt es nua mea lauta Schweine?
Wos blinkt ea denn und hupt er nua,
san Siebzg auf Freilaund denn net gnua?
Jetzt schert ea aus, mei Hintermaun,
das des guat geht, glaub i kaum.
Mein Gott, siacht dea des Auto net?
Zum Bremsn ist es jetzt zu spät.
Scho krochns zaum - es is sea laut.
Ealich - i hätt ma des net traut!
De Laundschoft fliagt aun mia voabei -
wos hintn is, is einalei.
Ea hätt net miassn übahoin,
soi eam do da Teife hoin.
Wos? Vapflichtung hätt i glei
zu höfn diesem dummen Gweih?
Rot - Kreuz und Erste Hilfe- Kurs
fia jedn Lenka heit a Muaß?
Do waaß i nix- i bin jo oid,
a Knolla loßt mi ziemlich koit.
Wos raast ea a, dea blede Raudi
glaubt ea leicht, des is a Gaudi?
Aug um Aug und Zahn um Zahn -
nua net de Faktn glei vadrahn
I foa jetzt weida noch Zwirnbrunn,
damit zur Jausn i no kumm!
Des Gsöchte is, woraun i denk,
dabei den Ope lässig lenk-
beim Riesling rinnts ma zaum im Mund –
de Bana kriagt daham mei Hund…
|
|
|
