|
|
|
"Zähndweh"
von Richard Lux-Rubenser
- Seite 2 von 2 -
<< Zurück zu Seite 1 >>
Do da Fraunz gibt si net gschlogn,
er kennt sie aus in soiche Frogn
und verwendt äus Medizin
zwa Doppler mit drei Aspirin.
So woa da Fraunz daun ziemlich bsoffn
und hot den gaunzn Tog vaschlofn.
Wia’ra munter wird auf`d Nocht
is sei Gsicht de reinste Procht.
De gaunze Seitn is vaschwoin,
schaut aus äus wia’ra Basketboin
und wia’ra d’koite Luft eiziagt,
glaubt a, dass a Kinda kriagt.
Drum hoit er si in seina Pein
glei no amoi zwa Doppler Wein,
sauft’s aus, so schnö äus wias nur geht
und schluckt dazua drei Parkemed.
Natürlich kriagt er von den Fusel
einen ziemlich leichten Dusel,
und hot aa de nächste Nocht
im Delirium vabrocht.
Wia’ra aufwocht in da Fruah
is er no immer ziemlich zua.
Er tamelt umme in sei Bod,
wäul er duat den Spiagl hot.
Und wia’ra do so eineschaut
hot er seim Äugerl nicht getraut.
Wäu sei Gsicht woa gaunz normal,
nua de Forb a bisserl fahl.
Vo augschwoin kaun ka Red mehr sei.
Gott sei Daunk, des is vurbei.
Owa dafia brummt sei Birn
wia a oide Daumpfmaschin.
Jetzt kummt aa no sei „liabe“ Frau
und schaut eahm von da Seitn au. .
Sie sogt zu eahm gaunz liab und nett:
„Nau, gestern woast jo wieda fett
wia a Radierer. No dazua
war de gaunze Nocht ka Ruah.
Du host g’schrian und g’stöhnt und g’wahnt!
Host wieda vom Zähndweh tramt?“
Do wird dem Fraunz auf amoi kloa,
dass olles nur a Oiptraum woa.
Er mocht vor Freud an Sprung äus wia
und hoit si schnö a koites Bier.
Er mocht an Schluck und aa an Schraa,
wäu rechts obn sticht a Prämolar!
<< Zurück zu Seite 1 >>
|
|
|
