|
|
|
"Der ärztliche Rat"
von Gerald Haindl
- Seite 1 von 2 -
Den Bartl hats im Kreuz dawischt,
o mei, dös is a blog,
sein ganzes gstell hats eam verdraht,
sowie a bogne Sag.
Was für a Kreuz is midn Kreuz,
dös is bei Gott ned neu,
wias unsern Bartl hat dawischt,
da war i selm dabei.
Recht scheh woars draußt,
so richtig hoaß,
da Bartl sitzt beim Kaffee hint,
und lasst an gmidling Schoaß.
Dann steht er auf
Dehnt seine Hend,
so wia ma jemand griaßt,
halt des Köpfi dann ind Sun
und had ganz sakrisch gniast.
Und wia so an Nister macht,
da hads in seine Bandscheim kracht,
ja grad so wia a lauder Schuß,
und nacher wars min Bartl schluß.
Es verkraumft eam seine Glieda,
der Hexenschuß der drucktn nieda.
Er kann ned auf,
kommt ned ind Heh,
er schreit so duat ehm Grippn weh.
Da Hackl Klaus, a braver Mau,
der ruaft die Frau vom Bartl au.
Er sagt zu ihr“ihrn Mau had d Hex,sans schnell,
sonst geht der Kampl ex.
De fahrt glei wia der Teifi o,
in 2o Minuten wars scho da.
Und weil er hoagli is der Fall,
bugsidsn glei in a Spideu.
De Ärzte ham glei ungeniert,
den Bartl a glei operiert.
Im Krankenhaus des is a Gfrett,
zwoa Monat war er drin im Bett.
So a Gschicht geht da ins Hirn,
an ganzen Tag kannst die ned rian.
Doch eines Tages wars so weit,
der Bartl had a riesen Freid,
denn der Doktor sagt im Milden Ton,
„dein Kreuz ist gut, geh hem mein Sohn.“
>> Weiter geht's auf Seite 2 >>
Ja mei war da der Bartl froh,
glei war er wieder im Büro,
had ghackelt wia a wüda Hund,
er had halt gmoand er is scho gsund.
Und eines Tages kummt er au
Und sagt morgn geh i am Mont Blau.
Der Hügl had an seltnen Reiz,
i scheiß auf mei lädiertes Kreiz.
Is des a Witz, mia ham nur glacht
Und wirklich hads der Bartl gmacht.
Schnappt sein Rucksack in der Frua,
bricht auf zu dieser Wahnsinnstour.
Wir mussten auch nicht lange warten,
der Bartl schickt a Ansichtskarten,
da schreibt er drauf: tuar eich ned foppa,
i war am Dachl von Europa.
Doch kaum war er vom Berg herunter,
da wird sei altes Leidn munter.
I hab nur gsagt is allerhand,
und weg war er in Krankenstand.
Jetzt wearnsn wieder operiern,
desmal wahrscheinli a im Hirn.
Nu nia is wer frisch operiert,
aus Dummheit am Mont Blau maschiert.
Doch eines Tags, um zehn genau,
treff ich dem Bartl seine Frau.
Ich grüß gar höflich, sage dann,
wie geht’s denn ihrem lieben Mann?
Gedrückt und kummervoll sagt sie,
zur Zeit is er auf Therapie.
Wann er auch dan nu Schmerzen gspiert,
dann wird er wieder operiert.
Ich sag dann drauf, der guade Mau,
is halt zbalt gwesen am Mont Blau.
A so a Tour, frisch operiert,
had halt de Bandscheim ordli gschpiert.
Drauf sagt sei Frau des is ned so,
schlecht is nur s sitzen im Büro
Drauf ihre weitere Entgegnung,
der Doktor had zu mir a gsagt,
erbraucht a wenig Bewegung.
|
|
|
