|
|
|
"De Seminare"
von Isabella Freinhofer
Zwoa moi im Joar da setz ma uns zaum
Do wird diskutiert wos ma olle dau haum
Amoi arbeitn ma amoi a net
Und do merkma daun, wie guats uns net geht
Im Winter tan ma wirkli recht vü
Im Summa da haum ma a aunders zü
A bissal garbeit aba net zvü
Wei ma a a Gaudi haubm wü
Der Summa ja des wor a Gedicht
Do hob i glei a klane Gschicht
Vom Winter verzö i eich späta daun
Jetzt kummt amoi der Summa draun
In da frua an Kaffee und von de Fraun an Kuchen
Mauna müssn eam daun eh klei versuchen
A Bier aufgmacht des ghert dazua
Daun geb ma bam Vortrag a Rua
Glei wird garbeit wei ma net so san
Mit wirklichem Geist und gaunz vü Elan
Bei de Seminare do haum ma a Freit
Do loßn sie de beidn wos einfolln fürd Leit.
A Outdoorspü des muss jo glot sei
Und kana der kneift, san olle dabei,
De an de san üba Stromschnelln gflogn
De aundern san ausgwichn de haums net vertrogn
Mit laae Bierkistn a Türmerle baun
Do kauns a so maunchen aufn Rückn hihaun
Und Babsi ganz cool wos mocht den de nur
Von da Höhenaungst auf anmoi ka spur
De Andrea de hat a der Ehrgeiz gepackt
Is richtig wüd worn wan anna was sagt
Des Hoiz wird anhazt und de Steckn gespitzt
Und jede daun ummi um Stana gern sitzt
Am Obend da is des Bier a scho gor
Jetzt frog i eich wos soin ma do doa
zum Glick gibt snu a por Floschn Wein
Den trink ma daun aus wia kauns aunders sein
Nur net schlafn gehen es is ja net spät
wo find n man Klaren des gibt’s ja do naet
Der Harry hats gfunden des is ja a glick
Er schenkt a glei ein oaba trinkn tut a nit
Und kurz drauf da wird a bold rua
Folln oan nauch aundern de Eigalan zua
In da frü san ma fit des is jo enorm
A jeder is do und a gut in form
Da ane geht duschn der andre trinkt Kaffee
A aundra zwa Bier is des a Gaudee
Und daun wann der Adi spricht und holt wort
Dann verlassn ma alle ganz frua den schen ort
Haubn neiche Ideen und a Programm
Und gegan ins neue Kipo Jahr mitsam
Und jetzt nu a bissal i tu eich net qüöln
Gschwind nu aniges vom Winta verzön
Im Winter do woar da Harry alla
Der Adi woar kraunk des woar a trara
Zum Glick geht’s eam heit wida guat
Er dem Harry hoffentli wida vü höfn tuat.
Deas Viereck des haubm ma a gaunz sche gschafft
Da haubm ma daun gspiat ihn Sepp seine Kroft
De Konny beim Essen de hot jo so glocht
Sie hot beim Dessert an wos aunderes gedocht
De guaten Dingerle san ja nur so groß
Ge Konny was dengs do denn bloß
Wos hot da Harry do gsogt woat i muas denga
Wos hot a do gmannt mit „wama hot do an hänga“
Und kana is do der an hüft bei so an Malheur
Ohne Adi do hotas hoit wirkli sehr schwer
Und Auto´s haum ma zaumbaut zum Glück net zu spet
Und der heribert was a jetzt wies geht
Jetzt kaunas a des wa ja a glocht
Weil sonst hots sei Ziwi olewei gmocht.
So nun satts ma net zwida
Zum Glick hob i dicht und sgibt kane Liada
Seits so wias seits nemts eich net zaum
wei ma sunst fürs nächste Seminar daun nix haum.
So und jetzt trink ma i sog eich nun Prost
Wei uns des Bier heite sicha nix kost.
|
|
|
